SHAHAR BUDJETINING QO‘SHIMCHA MANBALARI VA KENGASH QARORLARIGA O‘ZGARTIRISHLAR KIRITISH MASALALARI KO‘RIB CHIQILDI

Xalq deputatlari Namangan shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Namangan shahar budjetining qo‘shimcha manbalari mablag‘laridan foydalanish hamda Xalq deputatlari Namangan shahar Kengashining ayrim qarorlariga o‘zgartirish kiritish to‘g‘risida Namangan shahar Iqtisodiyot va moliya bo‘limi boshlig‘ining o‘rinbosari U. Axmedxo‘jayevning hisoboti eshitildi.

Yig‘ilish davomida shahar budjetining qo‘shimcha manbalari mablag‘laridan foydalanish masalasi hamda Kengashning ayrim qarorlariga o‘zgartirish kiritish bilan bog‘liq takliflar ko‘rib chiqildi. Mazkur masalalar yuzasidan budjet mablag‘laridan samarali foydalanish, belgilangan vazifalarning ijrosini ta’minlash va tegishli qarorlarni takomillashtirish masalalariga e’tibor qaratildi.

📋 Doimiy komissiya faoliyati doirasida quyidagi yo‘nalishlarga e’tibor qaratildi:

▪️ Shahar budjetining qo‘shimcha manbalari mablag‘laridan foydalanish masalalarini ko‘rib chiqish.

▪️ Budjet mablag‘laridan maqsadli va samarali foydalanish yuzasidan takliflarni muhokama qilish.

▪️ Xalq deputatlari Namangan shahar Kengashining ayrim qarorlariga o‘zgartirish kiritish bilan bog‘liq masalalarni ko‘rib chiqish.

▪️ Budjet intizomi va qabul qilingan qarorlar ijrosiga oid masalalarni tahlil qilish.

Maqsad — shahar budjeti mablag‘laridan samarali foydalanish, budjet jarayonlarining qonuniyligini ta’minlash va Kengash qarorlarini takomillashtirishga qaratilgan masalalarni ko‘rib chiqish.