“QAŞQAR” MAHALLASIDAGI 5-SONLI MAKTAB OLDIDA YÖL HARAKATI TARTIBGA SOLINIB, TIRBANDLIKLARNING OLDINI OLIŞ BÖYIÇA ÇORALAR KÖRILDI

#deputat_soʻrovi_javobi #poytaxtdeputatlari #deputatlik_faoliyati

❗️DEPUTATLIK SÖROVI NATIJASI: “QAŞQAR” MAHALLASIDAGI 5-SONLI MAKTAB OLDIDA YÖL HARAKATI TARTIBGA SOLINIB, TIRBANDLIKLARNING OLDINI OLIŞ BÖYIÇA ÇORALAR KÖRILDI

🏛 Xalq deputatlari Toşkent şahar Kengaşining “39-Minor” saylov okrugi deputati Nigora Eşmetovaning Yunusobod tumani “Qaşqar” mahallasidagi 5-sonli umumta’lim maktabi oldida yöl harakati xavfsizligini ta’minlaş, transport tirbandliklarining oldini oliş hamda fuqarolar uçun qulay harakatlaniş şaroitlarini yaratiş yuzasidan yöllagan deputatlik söroviga Toşkent şahar Içki işlar boş boşqarmasi Yöl harakati xavfsizligi boşqarmasi tomonidan rasmiy javob taqdim etildi.

📩 Avvalroq deputat Nigora Eşmetova tomonidan “Qaşqar” mahallasi aholisining murojaatlari asosida Markaz-4 hududidagi 5-sonli umumta’lim maktabi oldida transport vositalarining harakatlaniş tartibini qayta körib çiqiş, tirbandliklarni kamaytiriş hamda öquvçilar va piyodalar xavfsizligini ta’minlaş masalalari kötarilgan edi.

🚗 Xususan, fuqarolar tomonidan maktabda darslarning boşlanişi va tugaşi vaqtida avtomobillar harakati ortişi, mavjud yöl belgilarining harakatlanişda noqulayliklar keltirib çiqarayotgani hamda hududda bir tomonlama harakatlaniş tartibini joriy etiş zarurligi bildirilgan.

🔎 Mazkur deputatlik sörovi asosida Toşkent şahar IIBB Yöl harakati xavfsizligi boşqarmasi mas’ul xodimlari tomonidan hududga çiqib örganiş işlari olib borilgan. Örganiş davomida maktab oldidagi mavjud yöl belgilari, piyodalar ötiş joylari hamda transport vositalarining harakatlaniş tartibi közdan keçirilgan.

♻️ *Rasmiy javobga köra, 5-sonli umumta’lim maktabi qarşisida 5.16.1 va 5.16.2 — “Piyodalar ötiş joyi” yöl belgilari hamda 1.14.2 yöl çiziqlari bilan jihozlangan piyodalar ötiş joyi mavjudligi aniqlangan. Şuningdek, hududda 1.21 — “Diqqat, bolalar” hamda 3.24 — tezlikni 50 va 30 km/soatgaça çeklovçi yöl belgilari örnatilgani qayd etilgan.

🚦 Eng muhimi, Toşkent şahar hokimligi huzuridagi Yöl harakatini taşkil etiş markazi tomonidan mazkur köçada transport harakatini tartibga soliş yuzasidan amaliy çoralar körilgan.

🛣 Xususan, hududda 5.5 — “Bir tomonlama harakat yöli” va 5.6 — “Bir tomonlama harakat yölining oxiri” yöl belgilari örnatilib, bir tomonlama harakatlaniş tartibi taşkil etilgan. Rasmiy javobda uşbu çoralar natijasida transport tirbandliklarining oldi olingani ma’lum qilingan.

📋 Şu tariqa, deputat Nigora Eşmetova tomonidan aholi murojaatlari asosida kötarilgan masala yuzasidan mutasaddi taşkilotlar tomonidan örganiş işlari olib borilib, maktab oldida piyodalar xavfsizligini ta’minlaşga xizmat qiluvçi yöl belgilari mavjudligi tasdiqlangan hamda transport vositalari uçun bir tomonlama harakatlaniş tartibi taşkil etilgani ma’lum qilingan.

🤝 “Qaşqar” mahallasidagi 5-sonli umumta’lim maktabi atrofida öquvçilar, ota-onalar va boşqa fuqarolarning xavfsiz harakatlanişini ta’minlaş, transport tirbandliklarining oldini oliş hamda joriy etilgan harakatlaniş tartibining samaradorligini nazorat qiliş bilan boğliq masalalar deputat Nigora Eşmetova tomonidan nazorat qilib boriladi.

📱 Telegram 📱 Instagram 📱 Facebook 📱 YouTube 🔎 E-kengash