#deputatlik_nazorati

Mehnat migratsiyasi: huquqiy himoya va manzilli yondashuv

Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputatlar partiyasi guruhi raisi Artikov Davron Omarbayevich mehnat migratsiyasini tartibga solish, xorijda mehnat qilayotgan fuqarolar bilan ishlash va ularning huquqiy manfaatlarini himoya qilish masalalari yuzasidan Taxiatosh tumani Ichki ishlar bo‘limiga murojaat yo‘lladi.

📌 Taxiatosh tumani Ichki ishlar bo‘limi boshlig‘i Sh. Ismailovga yuborilgan murojaatda quyidagi yo‘nalishlarga alohida e’tibor qaratildi:

🔹 Migratsiya tizimi ijrosi — tumanda migratsiya jarayonlarini boshqarish bo‘yicha belgilangan vazifalarning amaliyotga joriy etilishi.
🔹 Fuqarolar bilan manzilli ishlash — vaqtincha mehnat faoliyati uchun xorijga ketgan va qaytib kelgan fuqarolar bilan olib borilayotgan ishlar.
🔹 Axborot va huquqiy yordam — fuqarolarga migratsiya xizmatlari, qonuniy mehnat faoliyati va huquqiy himoya bo‘yicha ko‘mak ko‘rsatish holati.
🔹 Yoshlar va ishsiz aholini tayyorlash — xorijiy mehnat bozoriga yo‘naltirish, kasbiy tayyorgarlik va qayta o‘qitish tadbirlarining amalga oshirilishi.

📄 Murojaatda mazkur yo‘nalishlarda tumanda bajarilayotgan ishlar yuzasidan yozma ma’lumot taqdim etish hamda belgilangan vazifalarni amalga oshirishda amaliy hamkorlik ko‘rsatish so‘ralgan.

🎯 Ushbu ishlarning maqsadi — mehnat migratsiyasi sohasidagi vazifalar ijrosini o‘rganish, xorijda ishlayotgan va yurtimizga qaytgan fuqarolar bilan ishlash samaradorligini oshirish hamda aholining huquqiy manfaatlarini himoya qilishga ko‘maklashish.

Fuqarolar manfaatlarini himoya qilish va qonuniy mehnat migratsiyasini qo‘llab-quvvatlash — muhim vazifalardan biridir.