#haftalik_ish_reja_ijrosi #biriktirilgan_tashkilot #sessiya_kun_tartibiga_kiritiladigan_masalalar #Kengash_raisi #deputat_faoliyati #162_qonun #kotibiyat_xodimi_faoliyati Ta’lim sohasida deputatlik nazorati: ta’lim sifati, bitiruvchilar natijalari va pedagoglar salohiyati tahlil qilindi
Termiz shahrida deputatlarga biriktirilgan tashkilotlar faoliyatini o‘rganish, qonun hujjatlari ijrosini nazorat qilish hamda ta’lim xizmatlari sifatini yanada oshirishga qaratilgan deputatlik nazorati tadbirlari izchil davom ettirilmoqda.
Shu maqsadda xalq deputatlari Termiz shahar Kengashi raisi, deputat D.Normurodova hamda shahar Kengashi kotibiyati mudiri, deputat A.Ashurov ishtirokida Termiz shahar Maktabgacha va maktab ta’limi bo‘limi boshlig‘i Sh.Kuvataliyev bilan uchrashuv o‘tkazildi.
Uchrashuv davomida tegishli qonun hujjatlari asosida ishlab chiqilgan savolnoma orqali bo‘lim faoliyati, ta’lim sifati, bitiruvchilarning oliy ta’limga kirish ko‘rsatkichlari, pedagoglarning malaka darajasi, sertifikatlash jarayonlari va sohada belgilangan istiqbolli vazifalar atroflicha tahlil qilindi.
QONUN HUJJATLARI IJROSI — DOIMIY E’TIBORDA
O‘rganish davomida quyidagi normativ-huquqiy hujjatlarning ijrosiga alohida e’tibor qaratildi:
🟢 O‘RQ–595-sonli “Maktabgacha ta’lim va tarbiya to‘g‘risida”gi Qonun;
🟢 O‘RQ–637-sonli “Ta’lim to‘g‘risida”gi Qonun;
🟢 O‘RQ–901-sonli “Pedagogning maqomi to‘g‘risida”gi Qonun;
🟢 Vazirlar Mahkamasining 2017-yil 15-martdagi 140-sonli “Umumiy o‘rta ta’lim to‘g‘risidagi nizomni tasdiqlash haqida”gi qarori.
🎓 BITIRUVCHILARNING OLIY TA’LIMGA KIRISH KO‘RSATKICHLARI TAHLIL QILINDI
2025–2026-o‘quv yilida Termiz shahrida 26 ta umumiy o‘rta ta’lim maktabi, Prezident maktabi, 2 ta ixtisoslashtirilgan maktab-internati, 1 ta ixtisoslashtirilgan maktab, 6 ta nodavlat ta’lim muassasasi hamda “Kelajak markazi” faoliyat yuritdi.
📊 Mazkur o‘quv yilida shahardagi maktablarni 3 008 nafar o‘quvchi tamomladi. Ularning 1 508 nafari o‘g‘il, 1 500 nafari qiz bolalardir.
▪️ 2 411 nafar bitiruvchi oliy ta’limga kirish test sinovlarida qatnashdi.
▪️ 1 353 nafar bitiruvchi, ya’ni jami bitiruvchilarning 44,9 foizi oliy yoki professional ta’lim muassasalariga qabul qilindi.
▪️ 918 nafar bitiruvchi davlat oliy ta’lim muassasalariga qabul qilindi.
▪️ Oliy ta’limga kirish bo‘yicha o‘rtacha ball 96,3 ballni tashkil etdi. Bu 2024–2025-o‘quv yilidagi 84,17 ballga nisbatan 12,13 ball yuqori.
🏆 YUQORI NATIJA KO‘RSATGAN MAKTABLAR TAJRIBASI OMMALASHTIRILMOQDA
Oliy ta’limga kirish bo‘yicha o‘rtacha ball ko‘rsatkichlarida quyidagi maktablar yuqori natijalarga erishdi:
26-maktab — 111,72 ball;
9-maktab — 110,74 ball;
17-maktab — 101,66 ball;
1-maktab — 101,46 ball;
13-maktab — 100,46 ball.
Shuningdek, davlat oliy ta’lim muassasalariga qabul qilingan bitiruvchilar soni va ulushi bo‘yicha 26-, 9-, 8- va 17-maktablar yuqori natijalarni qayd etdi.
📌 O‘rganish davomida past ko‘rsatkichlarga ega maktablarda ta’lim sifatini oshirish, o‘quvchilarning bilim darajasini yaxshilash va oliy ta’limga tayyorgarligini kuchaytirish maqsadida ilg‘or natijalarga erishgan maktablarni biriktirish hamda tajriba almashish ishlari yo‘lga qo‘yilgani qayd etildi.
👩🏫 PEDAGOGLAR SALOHIYATI VA KASBIY RIVOJLANISH — TA’LIM SIFATINING MUHIM OMILI
2026–2027-o‘quv yili sentabr oyi holatiga ko‘ra, Termiz shahrida 2 954 nafar o‘qituvchi faoliyat yuritmoqda.
Ularning malaka toifalari quyidagicha:
363 nafari — oliy toifa;
656 nafari — birinchi toifa;
745 nafari — ikkinchi toifa;
926 nafari — mutaxassis;
228 nafari — tugallanmagan oliy ma’lumotli;
36 nafari — o‘rta maxsus ma’lumotli.
🌐 Xorijiy tillarni o‘qitish yo‘nalishida ham muayyan natijalarga erishilgan. Taqdim etilgan ma’lumotlarga ko‘ra, 2025–2026-o‘quv yilida xorijiy til o‘qituvchilarining 80 foizi til bilish sertifikatiga ega bo‘lgan. Umumta’lim maktablarida faoliyat yuritayotgan 2 822 nafar o‘qituvchidan 879 nafari, ya’ni 31,1 foizi xalqaro yoki milliy sertifikatlarga ega.
Pedagoglarning kasbiy mahoratini oshirish maqsadida “Kasbiy rivojlanish kuni” va “Kasbiy rivojlanish soati” tadbirlari tashkil etilmoqda. Ushbu jarayonlarda 259 nafar yetakchi o‘qituvchi hamda 2 346 nafar pedagog qamrab olingani ta’kidlandi.
🏫 MAKTABLARDA DAVOMAT VA MODDIY-TEXNIK TA’MINOT
Termiz shahridagi umumta’lim maktablarida o‘quvchilar davomati FACE ID qurilmalari orqali nazorat qilinmoqda. Taqdim etilgan ma’lumotlarga ko‘ra, kunlik o‘rtacha davomat 98,7 foizni tashkil etadi.
Shuningdek, maktablarning moddiy-texnik bazasi bo‘yicha mavjud ehtiyojlar va ta’lim muassasalarini zamonaviy texnologiyalar bilan ta’minlash masalalari ko‘rib chiqildi.
🚀 2026-YIL YAKUNIGA QADAR BELGILANGAN USTUVOR VAZIFALAR
O‘rganish davomida maktabgacha va maktab ta’limi tizimida ta’lim sifatini yanada oshirishga qaratilgan quyidagi vazifalar muhokama qilindi:
✅ Bitiruvchilarning davlat oliy ta’lim muassasalariga kirish ko‘rsatkichini 35 foizga yetkazish va yuqori natija ko‘rsatgan maktablar tajribasini ommalashtirish.
✅ Termiz shahridagi maktablarga 10 nafar xorijiy fan mutaxassisini jalb etish orqali ta’lim sifatini xalqaro darajaga ko‘tarish.
✅ Pedagoglarning fanlar kesimidagi sertifikatlash ko‘rsatkichlarini oshirish va ularning kasbiy rivojlanishini qo‘llab-quvvatlash.
✅ 9-sinf bitiruvchilarini texnikumlar va kasb-hunar maktablariga jalb etish ko‘rsatkichini 25 foizga yetkazish.
✅ 3 nafar maktab direktorini menejerlik sertifikatini olish uchun o‘qitishga yuborish vazifasi doirasida belgilangan uchala direktorning ham o‘qishga yuborilganini qayd etish.
✅ 7 ta umumiy o‘rta ta’lim maktabining kompyuter sinflarini yangilash. Hozirga qadar 5 ta maktabda kompyuter sinflari yangilangan.
🤝 DEPUTATLIK NAZORATI — NATIJA VA MAS’ULIYAT UCHUN
Uchrashuv yakunida ta’lim sifatini oshirish, pedagoglarning kasbiy salohiyatini rivojlantirish, bitiruvchilarning oliy ta’limga kirish ko‘rsatkichlarini yaxshilash va belgilangan vazifalarning o‘z vaqtida bajarilishini ta’minlash masalalariga alohida e’tibor qaratildi.
✅ Ta’lim sohasidagi qonun hujjatlari ijrosini ta’minlash, mavjud muammolarni aniqlash va ularning yechimi bo‘yicha amaliy choralar ko‘rish yuzasidan deputatlik nazorati tadbirlari izchil davom ettiriladi.