DEPUTAT SORAWI

✍️DEPUTAT SORAWI SHÍǴARÍLDÍ
Bozataw rayonı «Bozataw» PPJ aymaǵındaǵı 1-sanlı mekteptiń gúzgi-qısqı máwsimge tayarlıǵın úyreniw dawamında mektep administraciyası tárepinen birqatar mashqalalı máseleler bildirilgen.
Mektep tiykarınan 784 orınǵa mólsherlengen bolıp, búgingi kúnde onda 407 oqıwshı eki mezgilde bilim almaqta.
Mekteptiń qosımsha imaratı burın klass bólmeleri sıpatında paydalanılǵan. Keyin bul imarat  jataqxanaǵa mólsherlenip rekonstrukciya islengen hám kadastr hújjetleri de usıǵan sáykes rásmiylestirilgen. Házirgi waqıtta bolsa bul imarat bos turıptı.
🏫 Usı imarattı qaytadan klass bólmelerine mólsherlep rekonstrukciyalaw hám kadastr hújjetlerin qayta islep berilse qosımsha 8 klass bólmesin ashıwǵa hám oqıwshılardıń bir mezgilde oqıwına imkaniyat jaratıwǵa boladı.
Usı másele boyınsha Bozataw rayonı hákiminiń orınbasarı, Abadanlastırıw basqarması baslıǵı J. Xabibullaevqa deputat sorawı jiberildi.
✍️ Deputat Yusupova Gulxatisha Qıdırbaevna