“AHILOBOD” MAHALLASIDA “MAHALLA — UNIVERSITET ” HAMKORLIGI YO‘NALISHIDA UCHRASHUV O‘TKAZILDI

Xalq deputatlari Yunusobod tuman Kengashi deputati M.Murzametova tashabbusi bilan Ahilobod mahalla fuqarolar yig‘inida ilmiy-ma’rifiy uchrashuv tashkil etildi.

📍Uchrashuvda Toshkent davlat iqtisodiyot universiteti professor-o‘qituvchilari, mahalla faollari ishtirok etdilar.

✅Uchrashuv davomida mahalla yoshlarining kelgusidagi ta’lim yo‘nalishlari, kasb tanlashdagi qiziqishlari, oliy ta’lim muassasalariga tayyorgarlik jarayonlari hamda zamonaviy bilim va ko‘nikmalarni egallash masalalari yuzasidan ochiq muloqot o‘tkazildi.

👩🏻‍🏫Professor-o‘qituvchilar tomonidan ilm olish, kasb-hunar egallash, iqtisodiy bilimlarni oshirish, raqamli ko‘nikmalarni shakllantirish hamda kelajakda mehnat bozorida munosib o‘rin topish bo‘yicha tavsiyalar berildi.

Mazkur uchrashuv deputatlik faoliyatining asosiy 24 ta savolnomasi doirasida tashkil etilib, yoshlarning ta’limga qamrovi, kasbga yo‘naltirilishi, bandlikka tayyorlanishi, bo‘sh vaqtini mazmunli tashkil etish va mahallada ma’naviy-ma’rifiy muhitni mustahkamlash masalalariga alohida e’tibor qaratildi.

Ushbu jarayon “Ta’lim to‘g‘risida”gi Qonun, “Yoshlarga oid davlat siyosati to‘g‘risida”gi Qonun, “Bola huquqlarining kafolatlari to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun hamda “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunda belgilangan vazifalar ijrosiga muvofiq amalga oshirildi.

👥Uchrashuv yakunida Ahilobod mahallasida yoshlarning ta’limga qiziqishini kuchaytirish, universitet va mahalla o‘rtasidagi amaliy hamkorlikni davom ettirish hamda yoshlarni ilm-fan va kasb-hunarga yanada keng jalb etish bo‘yicha kelgusidagi vazifalar belgilab olindi.