Ózbekstan Ekologiyalıq partiyası Oraylıq Keńesi Atqarıw komitetiniń wákili A.Akbarov hám partiyanıń Qaraqalpaqstan Respublikası shólkemi Keńesiniń baslıǵı A.Begimova, partiyadan saylanǵan rayonlıq Keńes deputatları menen birge Quralpa APJ aymaǵındaǵı Qaraózek rayonı mámleketlik toǵay xojalıǵında alıp barılıp atırǵan jumıslar menen tanıstı

Ózbekstan Ekologiyalıq partiyası Oraylıq Keńesi Atqarıw komitetiniń wákili A.Akbarov hám partiyanıń Qaraqalpaqstan Respublikası shólkemi Keńesiniń baslıǵı A.Begimova, partiyadan saylanǵan rayonlıq Keńes deputatları menen birge Quralpa APJ aymaǵındaǵı Qaraózek rayonı mámleketlik toǵay xojalıǵında alıp barılıp atırǵan jumıslar menen tanıstı.2026-jıl dawamında toǵay xojalıǵında 1,4 million túp nál jetistirilgen bolıp, sonnan 1,1 million túbi egiwge jaramlı. Xojalıq tárepinen 2026-jıl gúz hám 2027-jıl báhár máwsimlerinde respublika rayonların hám Aralboyı shól aymaqların kóklemzarlastırıw ushın náller rezervi qáliplestirilgen.Úyreniw jumıslarınan soń partiya wákilleri jergilikli deputatlar menen birgelikte toǵay xojalıǵı jerine terek nállerin egip, "Jasıl mákan" joybarına óz úlesin qostı. Búgin egilgen hárbir nál keleshekte saya beretuǵın terek, taza hawa hám jasıl aymaqqa aylanadı.Qaraózek rayonında aymaqlardı abadanlastırıw hám kósheler tazalıǵın támiyinlewge qaratılǵan keń kólemli ekologiyalıq ilaj shólkemlestirildi. Ilajda Ózbekstan Ekologiyalıq partiyası Oraylıq Keńesi Atqarıw komitetiniń wákili A.Akbarov, partiyanıń Qaraqalapqstan hám Qaraózek rayonlıq Keńesi wákilleri, rayonlıq Keńestegi deputatlıq toparı aǵzaları, Ekologiya hám qorshaǵan ortalıqtı qorǵaw bólimi, máhálleler, mákeme, shólkemlerdiń wákilleri, belsendi jaslar qatnastı. Ilaj dawamında rayondaǵı oraylıq hám ishki kósheler, piyadalar jolları, jámiyetlik orınlar hám xalıq tıǵız jasaytuǵın aymaqlar shıǵındılardan tazalanıp, sanitariyalıq jaǵdayı jaqsılandı. Ayırım aymaqlarda terek átirapları tártipke keltirilip, abadanlastırıw jumısları da ámelge asırıldı. Ózbekstan Ekologiyalıq partiyası oraylıq Keńesi atqarıw komitetiniń wákili A.Akbarov hám Xalıq deputatları Qaraózek rayonlıq Keńesindegi Ózbekstan Ekologiyalıq partiyası deputatlıq toparınıń qatnasıwında Esim MPJ aymaǵındaǵı Qaraózek rayonınıń suw támiynatında xalıqtı taza ishimlik suwı menen támiyinlew baǵdarında ámelge asırılıp atırılǵan jumıslar menen tanıstı.