⚡️Elektromobil — tejamkorlik va ekologik barqarorlik sari muhim qadam

🔰#munosabat

⚡️Elektromobil — tejamkorlik va ekologik barqarorlik sari muhim qadam

⚡️Elektromobillardan foydalanish nafaqat zamonaviy transport vositasini tanlash, balki oilaviy xarajatlarni kamaytirish va atrof-muhitni asrashga qaratilgan muhim qadamdir.
⚡️Keltirilgan hisob-kitoblarga ko‘ra, BYD Song Plus EV elektromobilini uy sharoitida quvvatlash orqali 100 kilometr masofa uchun taxminan 18 400 so‘m sarflansa, Chevrolet Cobalt avtomobilida AI-92 benzinidan foydalanish xarajati 92 000 so‘mni tashkil etadi. Bu misolda elektromobilning energiya xarajati qariyb besh baravar kam.
⚡️Deputat sifatida ta’kidlamoqchimanki, aholi uchun transport xarajatlarini kamaytirish, energiya tejamkor texnologiyalarni keng joriy etish va ekologik muhitni yaxshilash bugungi kunning muhim vazifalaridandir. Biroq elektromobilning o‘zini qoplash muddati faqat quvvatlash xarajatiga emas, balki avtomobilning xarid narxi, uy zaryadlash qurilmasini o‘rnatish, texnik xizmat ko‘rsatish va yillik yurish masofasiga ham bog‘liq.
⚡️Shu bois elektromobillar uchun qulay quvvatlash infratuzilmasini rivojlantirish, uy sharoitida xavfsiz zaryadlash imkoniyatlarini kengaytirish hamda aholining bu boradagi bilimlarini oshirishga e’tibor qaratish lozim.
⚡️Ishonamanki, energiya tejamkor transport vositalaridan oqilona foydalanish kelgusida oilalar budjetini tejash, energiya resurslaridan samarali foydalanish va ekologik barqarorlikni ta’minlashga xizmat qiladi.

Shahboz Teshayev,
Xalq deputatlari Jondor tumani Kengashi deputati,

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt