Mektep oqıwshılarınıń jámáát transportında qáwipsiz hám qolaylı qatnawın raǵbatlandırıw boyınsha nızamshılıqtı jetilistiriwge TAKLIF

 Mektep oqıwshılarınıń jámáát transportında qáwipsiz hám
qolaylı qatnawın raǵbatlandırıw boyınsha nızamshılıqtı jetilistiriwge 

TAKLIF 

Mektep oqıwshılarınıń jámáát transportınan turaqlı paydalanıwı
ushın jol haqısınıń qolaylı bolıwı menen bir qatarda, transporttıń qáwipsizligi,
salonnıń sıyımlılıǵı hám jolawshılardı sapalı tasıw sharayatları da áhmiyetli bolıp
tabıladı. Ayrıqsha, sabaq baslanıwı hám tamamlanıwı waqtında transporttıń adamǵa
tolıp ketiwi oqıwshılardıń qolaylı qatnawına tásir etiwi múmkin. 

Oqıwshılardıń jámáát transportınan paydalanıwǵa bolǵan
isenimin arttırıw hám olardıń qáwipsizligin támiyinlew maqsetinde, oqıwshılar kóp
paydalanatuǵın baǵdarlarda jolawshılar aǵımın esapqa alıw, transporttıń sıyımlılıǵına
sáykes qozǵalıs intervalların tártipke salıw hám tasıw sapasına qoyılatuǵın talaplardı
jetilistiriwdi usınıs etemen. 

Bunda transport xızmetlerin kórsetiwshi shólkemlerdiń
minnetlemelerin, oqıwshılardıń qáwipsizligin támiyinlew boyınsha talaplardı hám
transport xızmetleriniń sapasın bahalaw tártibin tiyisli nızamshılıqta bekkemlew
maqsetke muwapıq dep esaplayman. 

Xalıq deputatları Shomanay
rayonlıq Kenesi deputatı:- Z.Qaypova