TUMAN KENGASHINING ISH REJASIGA MUVOFIQ PARKENT TUMANI TIBBIYOT BIRLASHMASINING KUZ-QISH MAVSUMIGA TAYYORGARLIK DARAJASI O‘RGANILDI

TUMAN KENGASHINING ISH REJASIGA MUVOFIQ PARKENT TUMANI TIBBIYOT BIRLASHMASINING KUZ-QISH MAVSUMIGA TAYYORGARLIK DARAJASI O‘RGANILDI
❄️ Qish mavsumiga puxta tayyorgarlik ko‘rish — tibbiyot muassasalarining uzluksiz faoliyati va bemorlar uchun zarur sharoitlarni ta’minlashning muhim omili.
Xalq deputatlari Parkent tuman Kengashiga 17-“Bo‘rsiliq” saylov okrugidan saylangan deputat, doimiy komissiya raisi Muxitdinov Xusnitdin Muxitdinovich tomonidan Kengash ish rejasiga muvofiq Parkent tumani Tibbiyot birlashmasining 2026–2027-yil kuz-qish mavsumiga tayyorgarlik holati o‘rganildi.
❇️ O‘rganish ishlari tuman Tibbiyot birlashmasining xo‘jalik ishlari bo‘yicha o‘rinbosari bilan hamkorlikda tashkil etilib, muassasada isitish tizimlari va muhandislik infratuzilmasining mavsumga tayyorgarligiga alohida e’tibor qaratildi.
✅ O‘rganish davomida kuz-qish mavsumiga tayyorgarlik doirasida quyidagi ishlar amalga oshirilgani ma’lum bo‘ldi:
✅ Tuman Tibbiyot birlashmasida 2 dona KVA-1000 rusumli isitish qozoni o‘rnatildi.
✅ Isitish tizimining samarali ishlashini ta’minlash maqsadida dudburonlar tozalandi.
✅ Issiqlik uzatish quvurlari issiqlikni saqlash uchun steklovata bilan o‘raldi.
✅ Binolarning tom qismlari nazoratdan o‘tkazildi.
✅ Elektr energiyasi bilan ta’minlashni yaxshilash maqsadida 1 dona yangi tok uzatish moslamasi o‘rnatildi.
🏥 Shuningdek, tuman akusherlik kompleksida ham kuz-qish mavsumiga tayyorgarlik ishlari amalga oshirilib, 2 dona KVA-200 rusumli isitish qozoni o‘rnatildi.
❇️ Mazkur ishlar tibbiyot muassasalarida sovuq mavsum davomida zarur harorat sharoitlarini yaratish, isitish tizimlarining barqaror ishlashiga ko‘maklashish hamda bemorlarga tibbiy xizmat ko‘rsatish uchun qulay muhitni ta’minlashga qaratilgan.
❇️ Deputatlik nazorati doirasida tibbiyot muassasalarining kuz-qish mavsumiga tayyorgarlik holatini o‘rganish, mavjud infratuzilmaning holatiga e’tibor qaratish va aholiga sifatli tibbiy xizmat ko‘rsatish uchun zarur sharoitlar yaratilishini nazorat qilish ishlari davom ettiriladi.
✅ Aholi salomatligi va tibbiyot muassasalarining uzluksiz faoliyati — doimiy e’tiborda!