«Ташаббусли бюджет» лойиҳалари ижроси депутатлар томонидан ўрганилди

«Ташаббусли бюджет» лойиҳалари ижроси депутатлар томонидан ўрганилди
Халқ депутатлари Янгиқўрғон тумани Кенгаши депутатлари томонидан «Ташаббусли бюджет» лойиҳасининг биринчи мавсуми доирасида маҳаллалар ва таълим муассасаларида амалга оширилган ишлар ҳолати ўрганилди.
📊 Ўрганилган 14 та лойиҳанинг 9 тасида ишлар якунланган, 5 тасида эса қурилиш-таъмирлаш ишлари давом этаётгани қайд этилди.
🛣 Маҳаллаларда ички йўллар яхшиланмоқда
▪️ Гулистон МФЙда ички йўлларни асфальтлаш ишлари якунланган. Лойиҳада ўқувчиларнинг мактабга хавфсиз бориб-келиши учун пиёдалар йўлакчасини ташкил этиш ҳам назарда тутилган.
▪️ Ғовазон МФЙ Маданият кўчасининг 3 километр қисмига асфальт қопламаси ётқизилиб, фойдаланишга топширилган.
▪️ Кўкёр МФЙ Боғ кўчасида 3,5 километр асфальтлаш ишлари якунланган.
▪️ Қораполвон МФЙнинг Учқўрғон ва Чавандоз кўчаларида асфальт қопламаси ётқизиш ишлари бажарилган.
▪️ Қуйи Қораполвон МФЙнинг Пахтазор ва Тўйсада кўчалари бўйича лойиҳа доирасида 3,5 километр йўл асфальтланган.
▪️ Тинчлик МФЙнинг Беруний ва Учқап Бобур кўчалари бўйича лойиҳа доирасида 3,5 километр асфальтлаш ишлари якунланган.
🏫 Таълим муассасаларидаги ишлар ҳам эътибор марказида
🔹 Ғалаба маҳалласидаги 26-сонли мактаб биносининг пол ва том қисмлари, эшик-деразалари ҳамда ички ва ташқи қисмларини таъмирлаш ишлари якунланган.
🔹 45-сонли мактабнинг фасади, ертўла қисми ва спорт залини жорий таъмирлаш ишлари бажарилган.
🔹 60-сонли мактабни мукаммал таъмирлаш ишлари якунланган.
🔹 61-сонли мактаб биносининг фасад қисми таъмирланган. Футбол майдони устига арка ўрнатиш ишлари давом этаётгани қайд этилган.
🔹 32-сонли мактабда ҳожатхона ва кўмир сақлаш омборхонаси қуриш, спорт зали, йўлаклар ва ташқи ҳудудни таъмирлашга қаратилган лойиҳа доирасида мактаб олдини асфальтлаш ишлари олиб борилган.
🔹 17-сонли мактабда қишлоқ кутубхонасини қуриш ва хоналарни пардозлаш ишлари давом этаётгани кўрсатилган. Лойиҳада спорт майдонларини яхшилаш, хоналарни таъмирлаш ҳамда 50 кВт қувватли қуёш панелларини ўрнатиш ҳам белгиланган.
🔹 10-сонли мактабда эски иситиш тизимини янгилаш, замонавий иситиш ва совитиш қурилмаларини ўрнатиш, қуёш панеллари ва генераторлар билан таъминлаш кўзда тутилган.
🔹 2-сонли техникумда иситиш тизими ва канализация тармоқларини янгилаш бўйича ишлар олиб борилган.
📌 Депутатлар ўрганишларида бажарилган ишларнинг сифати, аҳоли ва ўқувчилар учун яратилган қулайликлар ҳамда давом этаётган лойиҳаларни якунлаш масалаларига эътибор қаратилди. Якунланиши белгиланган объектларнинг амалдаги ҳолатини қўшимча аниқлаштириш зарурлиги қайд этилди.
🤝 Аҳоли ташаббусларининг амалий натижага айланиши — депутатлик назоратининг муҳим йўналишларидан биридир.