GULBOG‘ MAHALLASIDAGI 4-SON TEXNIKUM FAOLIYATI BILAN TANISHILDI

Xalq deputatlari Namangan viloyati Kengashi raisi Solijon Muminov, Xalq deputatlari Namangan shahar Kengashi raisi Rustamjon Isakov, shahar Kengashi kotibiyati mudiri N. Ubaydullayev hamda mas’ul xodimlar ishtirokida Namangan shahrining Gulbog‘ mahallasida joylashgan 4-son texnikum faoliyati bilan tanishildi.

Tashrif davomida texnikumda ta’lim jarayonining tashkil etilishi, o‘quvchilar uchun yaratilgan shart-sharoitlar hamda ta’lim muassasasining moddiy-texnik bazasiga e’tibor qaratildi.

Shuningdek, o‘quvchilarga kasbiy bilim va amaliy ko‘nikmalar berish, ularni mehnat bozorida talab yuqori bo‘lgan mutaxassisliklar bo‘yicha tayyorlash hamda ta’lim sifatini oshirish borasida amalga oshirilayotgan ishlar bilan tanishildi.

O‘rganish jarayonida yoshlarni kasb-hunarga yo‘naltirish, ularning bandligini ta’minlash, bitiruvchilarni ishga joylashtirish va ish beruvchilar bilan hamkorlikni rivojlantirish masalalariga alohida e’tibor qaratildi.

Shuningdek, deputatlik faoliyatining 24 ta tavsiyasida belgilangan yo‘nalishlar doirasida yoshlarning kasbiy ta’lim olishi, zamonaviy kasblarni egallashi, bandligini ta’minlash va kelgusida munosib ish o‘rinlariga ega bo‘lishiga ko‘maklashish masalalari muhokama qilindi.

Tashrif yakunida kasbiy ta’lim sifatini yanada oshirish, mavjud imkoniyatlardan samarali foydalanish hamda yoshlarning zamonaviy kasblarni egallashi va kelgusida munosib ish o‘rinlariga ega bo‘lishiga qaratilgan ishlarni izchil davom ettirish muhimligi ta’kidlandi.

📌 Maqsad — yoshlarning kasbiy bilim va amaliy ko‘nikmalarini rivojlantirish, ularning bandligini ta’minlash hamda malakali mutaxassislar tayyorlashga ko‘maklashish.

🟦🟦🟦🟦🟦🟦