JINOYATCHILIKNING OLDINI OLISH VA JAMOAT XAVFSIZLIGINI TA’MINLASH MASALALARI MUHOKAMA QILINDI

JINOYATCHILIKNING OLDINI OLISH VA JAMOAT XAVFSIZLIGINI TA’MINLASH MASALALARI MUHOKAMA QILINDI

📍 2026-yil 22-oktabr kuni Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishi bo‘lib o‘tdi.

📝 Yig‘ilishda O‘zbekiston Respublikasi Prezidentining 2026-yil 5-yanvardagi PQ-1-son qarori ijrosi, tumanda kriminogen vaziyatni yaxshilash hamda jinoyat va huquqbuzarliklarning barvaqt oldini olish borasida amalga oshirilgan ishlar yuzasidan tuman Ichki ishlar bo‘limi boshlig‘i U.A. Xalimovning hisoboti eshitildi.

📊 Hisobotga ko‘ra, 2026-yilning 9 oyi davomida tumanda 668 ta jinoyat qayd etilgan bo‘lib, bu o‘tgan yilning mos davriga nisbatan 40 foizga ko‘pdir. Shuningdek, tumandagi 100 ta mahalladan 10 tasi “qizil”, 50 tasi “sariq” va 40 tasi “yashil” toifalarga ajratilgani qayd etildi.

🔎 Muhokamada jinoyatchilikning oldini olish bo‘yicha olib borilayotgan profilaktik tadbirlar, videokuzatuv kameralari imkoniyatlaridan foydalanish, qidiruvdagi shaxslarni aniqlash, aholi bilan manzilli ishlash hamda kiberjinoyatlarga qarshi kurashish masalalariga e’tibor qaratildi.

⚠️ Shu bilan birga, jinoyatlar sonining ortishi, axborot texnologiyalaridan foydalangan holda sodir etilayotgan jinoyatlar hamda ayrim mahallalarda saqlanib qolayotgan kriminogen muammolar profilaktika ishlarini yanada kuchaytirishni taqozo etishi ta’kidlandi.

✅ Doimiy komissiya qarori bilan:
tuman IIB boshlig‘ining hisoboti qoniqarli deb topilib, ma’lumot uchun qabul qilindi;
jinoyatlar sonining oshishiga sabab bo‘lgan omillarni mahallalar va jinoyat turlari kesimida chuqur tahlil qilish tavsiya etildi;
“qizil” va “sariq” toifadagi mahallalarda manzilli profilaktika tadbirlarini kuchaytirish;
kiberjinoyatlarning oldini olish, fuqarolarning raqamli savodxonligini oshirish va aholi o‘rtasida tushuntirish ishlarini olib borish;
voyaga yetmaganlar, yoshlar, muqaddam sudlanganlar hamda huquqbuzarlik sodir etish xavfi yuqori bo‘lgan shaxslar bilan individual profilaktik ishlarni kuchaytirish bo‘yicha tavsiyalar berildi.

📌 Shuningdek, kriminogen vaziyatni yaxshilash borasidagi ishlar to‘g‘risidagi hisobotni xalq deputatlari Pastdarg‘om tumani Kengashining navbatdagi sessiyasi muhokamasiga kiritish tavsiya etildi.
🙏 Doimiy komissiya raisi Nodir Dusmurotov mazkur qaror ijrosini nazorat qilishni o‘z zimmasida qoldirdi.