Kotib

#Qonun_ijrosi #162_ta_eng_muhim_qonun, #Deputatlik_nazorati #19_1_Modda_ijrosi
#Hamkorlik_faoliyati #24_ta_tavsiyaviy_savol

Hokim yordamchisi bilan belgilangan chora-tadbirlar ijrosi muhokama qilindi

Xalq deputatlari Mirzo Ulug‘bek tumani Kengashi 7-Alpomish okrugi deputati Shoxzoda Kurbanova tomonidan “Alpomish” mahallasi hokim yordamchisining mahallada amalga oshirayotgan ishlari o‘rganildi.

O‘rganishlar davrida mahallani ijtimoiy-iqtisodiy rivojlantirish, bandlik, kichik tadbirkorlik sub’ektlari loyihalariga tijorat banklari tomonidan ajratilayotgan imtiyozli kreditlar, mablag‘larni maqsadli sarflanishi to‘g‘risida suhbatlashildi.

Suhbatda mahallada ijtimoiy himoyaga muhtoj oilalar hamda aholini bandligini ta’minlashda mahallalarga biriktirilgan banklar tomonidan ajratilayotgan kreditlar, tadbirkorlik sub’ektlarin ko‘paytirish, ularning faoliyatini rivojlantirish borasida amalga oshirilayotgan samarali ishlar bo‘yicha ma’lumotlar olindi.

O‘rganish yakunida aholining daromad manbalarini kengaytirish, bandligini ta’minlash va kambag‘allikni qisqartirishga qaratilgan ishlar samaradorligini yanada oshirish yuzasidan tegishli tavsiya va takliflar bildirildi.