OBODONLASHTIRISH BOSHQARMASI FAOLIYATI DEPUTATLIK NAZORATI TARTIBIDA O‘RGANILDI

Xalq deputatlari Termiz tuman Kengashi deputati A. Avliyakulov tomonidan o‘ziga biriktirilgan tashkilot — Termiz tumani hokimligi Obodonlashtirish boshqarmasi faoliyati yuzasidan navbatdagi o‘rganish ishlari olib borildi.

O‘rganish jarayonida hududlarda tozalik va ozodalikni ta’minlash, ko‘cha va jamoat joylarini obodonlashtirish, yashil maydonlarni saqlash hamda sanitariya holatini yaxshilash borasida amalga oshirilayotgan ishlar ko‘zdan kechirildi.

Shuningdek, bajarilayotgan ishlarning sifati va samaradorligi, mavjud kamchiliklarni o‘z vaqtida bartaraf etish hamda obodonlashtirish ishlarini yanada takomillashtirish masalalariga alohida e’tibor qaratildi.

O‘rganish yakunida mas’ullarga hududlarning sanitariya holatini yaxshilash, obodonlashtirish ishlarini tizimli tashkil etish va belgilangan vazifalar ijrosini ta’minlash yuzasidan tegishli tavsiya va takliflar bildirildi.

Deputat A. Avliyakulov ushbu yo‘nalishda amalga oshirilayotgan ishlar samaradorligini kuzatib borish va aniqlangan kamchiliklar bartaraf etilishi ustidan deputatlik nazoratini davom ettirishini ta’kidladi.

Toza va obod hudud — aholi farovonligi va qulay yashash muhitining muhim sharti.