MAKTABGACHA TA’LIM TASHKILOTIDA TARBIYALANUVCHILAR UCHUN YARATILGAN SHAROITLAR O‘RGANILDI

Xalq deputatlari Yangiobod tuman Kengashi deputati A. Isroilov Sarmich mahallasidagi 3-sonli davlat maktabgacha ta’lim tashkilotiga tashrif buyurib, tarbiyalanuvchilar uchun yaratilgan sharoitlar bilan tanishdi.

Tashrif davomida tarbiyalanuvchilar uchun yaratilgan sharoitlar, mashg‘ulotlar tashkil etilishi, ta’lim-tarbiya jarayonining mazmuni, guruh xonalarining holati hamda bolalarning mazmunli vaqt o‘tkazishi uchun mavjud imkoniyatlarga e’tibor qaratildi.

Shuningdek, maktabgacha ta’lim sifatini oshirish, bolalar salomatligi va xavfsizligini ta’minlash, mavjud sharoitlarni yanada yaxshilash hamda tarbiyalanuvchilarning har tomonlama rivojlanishi uchun zarur imkoniyatlarni kengaytirish masalalari yuzasidan fikr almashildi.