“YANGI BOG‘” MAHALLASIDA PIYODALAR YO‘LAGI BARPO ETILISHI MASALASI O‘RGANILDI

Xalq deputatlari Yunusobod tumani Kengashi deputati N.V. Voropayeva tomonidan fuqarolar murojaati asosida “Yangi bog‘” MFY, 13-mavze, 34-uy atrofidan o‘tgan ichki yo‘lda piyodalar yo‘lagini barpo etish masalasi ko‘tarilib, tuman hokimligiga deputatlik so‘rovi yuborilgan edi.

📌Deputatlik so‘rovi tuman hokimligi tomonidan o‘rganilib, mazkur hududda piyodalar yo‘lagini barpo etish masalasi yuzasidan tegishli choralar ko‘rish maqsadga muvofiq deb topildi.

🚶‍♂️O‘rganish natijalariga ko‘ra, “Yangi bog‘” MFY, 13-mavze, 34-uy atrofidan o‘tgan ichki yo‘lda piyodalar yo‘lagini mahalla jamg‘armasi mablag‘lari hisobidan barpo etish maqsadga muvofiqligi bildirildi.

🤝Mazkur masalaning ijobiy yechimini ta’minlash, fuqarolar murojaatlarida ko‘tarilgan muammolarni o‘rganish hamda aholi uchun xavfsiz va qulay piyoda harakatlanish sharoitlarini yaratish deputatlik nazoratining muhim yo‘nalishlaridan biridir.