Президентлик сайловида сиёсий партиялардан бириктирилган кузатувчиларнинг иштироки.

 Кузатувчи-сайловга тайёргалик кўриш ҳамда уни ўтказишга доир барча тадбирларда, шунингдек сайлов куни овоз бериш ва овозларни санаб чиқиш жараёнларида иштирок этиш ҳуқуқига эга, тегишли сайлов комиссияси томонидан рўйхатга олинган ва бу ҳақда тегишли мандатга эга бўлган шахс. Сиёсий партия аъзоси ёки тарафдори ёхуд сиёсий партияга хайрихоҳ бўлган ҳар қандай Ўзбекистон Республикасининг 18 ёшга тўлган фуқароси сиёсий партиядан кузатувчи бўлиши мумкин. Улар ўз кузатувчилари тўғрисида сайлов комиссияларига сайловдан камида ўн кун олдин ариза билан маълум қилади. Шунингдек, сиёсий партия ушбу шахслар орасидан сайлов комиссиясининг мажлисларида, ҳужжатларни топширишда, имзо варақалари тўғри тўлдирилганлигинитекширишда, сайлов участкасида овозларни санаб чиқишда иштирок этиш учун ваколатли вакил тайинлашга ҳақли.