Oliy Majlis Senati Kengashining 2025-yil 28-yanvardagi “Xalq deputatlari mahalliy Kengashlari faoliyatini namunali tashkil etish to‘g‘risida”gi KQ-51-V-sonli qarori ijrosi yuzasidan Namangan shahar Kengashi kotibiyatida o‘rganish ishlari amalga oshirildi.
С
O‘rganish jarayonida kotibiyatda hujjatlar bilan ishlash tizimi, ish yuritish, hujjatlarning to‘g‘ri va o‘z vaqtida rasmiylashtirilishi, ularning ijrosini ta’minlash holati, kotibiyatning minimal talablar bo‘yicha jihozlash holati atroflicha tahlil qilindi.
Shuningdek, kotibiyat faoliyatini yanada samarali tashkil etish, ish jarayonlarini tizimlashtirish va zamonaviy talablar asosida takomillashtirish masalalariga alohida e’tibor qaratildi. Kotibiyat mudiriga Kengash faoliyati samaradorligini yanada oshirish yuzasidan tegishli ko‘rsatma va topshiriqlar berildi.
Shu bilan birga, Kengash kotibiyati ishini namunali tashkil etish orqali deputatlar faoliyatini samarali qo‘llab-quvvatlash va aholi bilan ishlash sifatini oshirish muhimligi alohida ta’kidlandi.