O‘zbekiston Respublikasi Prezidentining PQ–406-son qarori, Oliy Majlis Senati Kengashining KQ–35-V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya ijrosi doirasida Marg‘ilon shahrida deputatlik nazorati tadbirlari davom ettirilmoqda.

O‘rganish davomida maktab hududining obodonlashtirilishi va o‘quvchilar uchun yaratilgan sharoitlar ham deputat e’tiboridan chetda qolmadi. Xalq deputatlari Marg‘ilon shahar Kengashi deputati M.Abdurahmonova 32-sonli umumiy o‘rta ta’lim maktabi direktori hamrohligida ta’lim muassasasi hududini aylanib, mavjud holatni ko‘zdan kechirdi.

Jarayon davomida maktab hovlisi va unga tutash hududlarning sanitariya-obodonlashtirish holati, yashil hududlar va daraxtlarning parvarishi, hududning tozaligi, mavjud infratuzilma obyektlarining saqlanishi hamda o‘quvchilar uchun qulay muhit yaratilganligi holatiga e’tibor qaratildi.

Shu bilan birga, maktab hududida amalga oshirilayotgan va kelgusida bajarilishi lozim bo‘lgan obodonlashtirish ishlari yuzasidan mas’ullar bilan fikr almashildi. Aniqlangan kamchiliklarni bartaraf etish, hududni yanada tartibga keltirish va o‘quvchilar uchun xavfsiz hamda ozoda muhit yaratish bo‘yicha tegishli tavsiyalar berildi.