Olmazor mahallasida sayyor qabul o‘tkazildi

O'zLiDePdan saylangan xalq deputatlari tuman Kengashi deputati-tumani hokimi Sobir Xo‘jametovning Olmazor mahallasi fuqarolari uchun sayyor qabuli tashkil etildi.

82-sonli umumta’lim maktabida o‘tkazilgan qabulda hokim o‘rinbosarlari, tashkilot va korxonalar rahbarlari hamda mahalla fuqarolari ishtirok etdi.

Muloqot davomida fuqarolar tomonidan elektr energiyasi ta’minotini yaxshilash, ichki yo‘llarni ta’mirlash, bandlikni ta’minlash, tadbirkorlikni yo‘lga qo‘yish hamda chorvachilik yo‘nalishida kredit mablag‘laridan foydalanishda amaliy yordam ko‘rsatish kabi masalalar yuzasidan murojaatlar bildirildi.

Murojaatlarning har biri mas’ullar ishtirokida ko‘rib chiqilib, ularni hal etish bo‘yicha tegishli vazifalar belgilandi.