ICHIMLIK SUVI TA’MINOTI HOLATI O‘RGANILDI

Xalq deputatlari Termiz tuman Kengashi 1-Xalqobod saylov okrugidan saylangan deputat N. Ro‘ziyeva saylangan hududda ichimlik suvi ta’minoti borasida olib borilayotgan ishlar bilan tanishdi.

O‘rganish ishlari tuman hokimligi vakili hamda Kengash mutaxassisi T.Murodov bilan hamkorlikda amalga oshirilib, hududdagi suv ta’minoti holati, mavjud muammolar va ularni bartaraf etish choralari ko‘rib chiqildi.

Aniqlangan masalalar yuzasidan tegishli tashkilotlar bilan hamkorlikda ish olib borish va muammolarni hal etish bo‘yicha tegishli vazifalar belgilandi.