Amudaryo tumani hokimi, Xalq deputatlari Amudaryo tuman Kengashi deputati S.Xo‘jametov va Kengash raisi A.Yuldashevlarning tuman hokimligida fuqarolar murojaatlari yuzasidan navbatdagi qabuli bo‘lib o‘tdi.

Qabul davomida fuqarolar o‘zlarini qiynayotgan turli masalalar yuzasidan murojaat qildilar. Xususan, bandlikni ta’minlash, moddiy yordam ko‘rsatish, uy-joylarni ta’mirlash, tadbirkorlik faoliyatini yo‘lga qo‘yish uchun kredit olish, ijtimoiy ko‘mak va boshqa masalalar bo‘yicha murojaatlar tinglandi.

Har bir murojaat hokim tomonidan batafsil o‘rganilib, masalalarni amaldagi qonunchilik doirasida hal etish, fuqarolarga amaliy ko‘mak ko‘rsatish bo‘yicha mas’ullarga tegishli topshiriq va ko‘rsatmalar berildi.