Tibbiyot muassasalarining kuz-qish mavsumiga tayyorgarligi o‘rganildi.

Xalq deputatlari Zafarobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi hamda tuman tibbiyot birlashmasi o‘rinbosari D.A. Shonazarova ishtirokida navbatdagi Kengash sessiyasi kun tartibiga kiritilgan masalalar yuzasidan dastlabki o‘rganish o‘tkazildi.
O‘rganish davomida tuman tibbiyot birlashmasi tizimidagi davolash-profilaktika muassasalarining 2026–2027-yillar kuz-qish mavsumiga tayyorgarlik holati ko‘rib chiqildi.
Aniqlangan masalalar yuzasidan tegishli tavsiyalar berilib, mavjud kamchiliklarni bartaraf etish hamda aholiga sifatli tibbiy xizmat ko‘rsatishni yaxshilash bo‘yicha vazifalar belgilandi.
Mazkur o‘rganish “Mahalliy davlat hokimiyati to‘g‘risida”gi O‘zbekiston Respublikasi Qonunining 19¹-moddasiga muvofiq amalga oshirildi.