📊 VILOYAT KENGASHI QARORI IJROSI — DEPUTATLIK NAZORATIDA

Xalq deputatlari Xorazm viloyati Kengashining 36-Monoq saylov okrugidan saylangan deputati Ishchanov Alibek Raximberganovich hamda Xalq deputatlari Shovot tumani Kengashi kotibiyat mudiri Masharipov Izzat Masharipovich ishtirokida “Yangi O‘zbekiston qiyofasi” dasturi doirasida Ijtimoiyat mahallasida amalga oshirilayotgan bunyodkorlik va infratuzilma loyihalarining ijrosi joyiga chiqqan holda o‘rganildi.
Mazkur loyihalar Xalq deputatlari Xorazm viloyati Kengashining 2026-yil 31-martdagi VII-20-37-12-0-K/26-son qarori asosida amalga oshirilmoqda.
💰 Dastur doirasida Ijtimoiyat mahallasini rivojlantirish uchun 5 milliard so‘m mablag‘ ajratilgan. Ushbu mablag‘lar mahalla infratuzilmasini yaxshilash, aholiga zamonaviy va qulay sharoitlar yaratish hamda hududning ijtimoiy qiyofasini yanada obod qilishga yo‘naltirilgan.
📌 O‘rganish davomida quyidagi ishlarning holati ko‘zdan kechirildi:
✅ Mahalla fuqarolar yig‘ini binosini ta’mirlash ishlari davom etmoqda;
✅ “Qadriyat” ko‘chasida zamonaviy bolalar maydonchasini barpo etish ishlari olib borilmoqda;
✅ “Ijtimoiyat” va “Istiqbol” ko‘chalarida 1,3 kilometr piyodalar yo‘laklarini qurish ishlari davom etmoqda;
✅ “Ijtimoiyat”, “Istiqbol”, “Baynalmilalchilar”, “Uzumchi” va “Gulzor” ko‘chalariga 95 dona zamonaviy tungi yoritish chiroqlarini o‘rnatish ishlari amalga oshirilmoqda;
✅ “Yuksalish”, “Ehtirom” va “Uzumchi” ko‘chalarining 2,6 kilometr qismi shag‘allashtirilgan;
✅ “Baynalmilalchilar” hamda “Qadriyat” ko‘chalarining 3,1 kilometr qismida asfaltlashtirish ishlari to‘liq yakunlangan.
O‘rganish jarayonida amalga oshirilayotgan ishlarning sifati, belgilangan loyihaviy ko‘rsatkichlarga muvofiqligi hamda ajratilgan mablag‘larning maqsadli sarflanishiga alohida e’tibor qaratildi.
📍 Deputatlik nazorati — Kengash qarorlarining amaldagi ijrosini ta’minlash va aholi manfaatlarini himoya qilishning muhim vositasidir.