#162_ta_Qonunlar_ijrosi #24_ta_tavsiyalar_ijrosi #Qonunlar_ijrosi #Nazorat_tahlil

Oltinsoy tumani Maktabgacha va maktab ta’limi bo‘limida qonunchilik hujjatlari ijrosi hamda berilgan tavsiyalarning bajarilish holatini o‘rganish yuzasidan nazorat-tahlil tadbiri o‘tkazildi.

Mazkur tadbirda Xalq deputatlari Oltinsoy tumani Kengashi raisi A.Turdiyev, Kotibiyat mudiri M.Xujanov, Korrupsiyaga qarshi kurashish va xavfsizlik masalalari bo‘yicha doimiy komissiya raisi X.Tavasharov, komissiya a’zolari A.Mamatmuratov, A.Narmuratov, A.Xaitova, D.Turopova, shuningdek, Kotibiyat bosh mutaxassislari A.Esanov va I.Roziqov ishtirok etdi.

O‘rganish davomida maxsus savolnoma asosida amaldagi qonunchilik hujjatlarining ijro holati, deputatlik faoliyatining ustuvor yo‘nalishlari bo‘yicha amalga oshirilayotgan ishlar hamda Kengash tomonidan berilgan tavsiyalarning bajarilishi atroflicha tahlil qilindi.

Xususan, deputatlik faoliyatining tegishli yo‘nalishlariga oid 162 ta qonunchilik hujjati va 24 ta tavsiyaning ijrosi yuzasidan monitoring o‘tkazilib, mavjud holat, amalga oshirilgan ishlar hamda aniqlangan masalalar o‘rganildi.

O‘rganish yakunlari bo‘yicha aniqlangan kamchiliklarni bartaraf etish, qonunchilik hujjatlari ijrosini ta’minlash hamda tavsiyalarning bajarilishini kuchaytirish yuzasidan tegishli tahliliy xulosalar va amaliy tavsiyalar ishlab chiqilishi belgilandi.

Mazkur yo‘nalishdagi ishlar Kengashning nazorat-tahlil faoliyati doirasida davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz