Yangi maktab faoliyati bilan tanishildi

Xalq deputatlari Paxtakor tumani Kengashi deputati M.Xasamiddinov tomonidan Oqbuloq mahallasida yangidan qurib bitkazilgan 18-sonli umumta’lim maktabi faoliyati bilan yaqindan tanishildi.

O‘rganish davomida maktab binosining holati, o‘quv xonalari, sport zali, o‘quvchilar uchun yaratilgan sharoitlar hamda ta’lim jarayonini tashkil etish imkoniyatlari ko‘zdan kechirildi.

Yangi maktabning foydalanishga topshirilishi hududdagi o‘quvchilar uchun zamonaviy, qulay va xavfsiz ta’lim olish imkoniyatlarini yanada kengaytirishga xizmat qilishi ta’kidlandi.

Deputat tomonidan maktabdagi mavjud sharoitlardan samarali foydalanish, ta’lim sifatini oshirish hamda o‘quvchilar uchun yaratilgan imkoniyatlarni yanada rivojlantirish masalalariga e’tibor qaratildi.