O‘quvchilar uchun zamonaviy sport maydonchasi barpo etilmoqda

O‘rganish jarayonida sport inshootining qurilish ishlari, yaratilayotgan sharoitlar hamda ob’ektni belgilangan talablar asosida sifatli barpo etish masalalariga e’tibor qaratildi.
Zamonaviy sport maydonchasining foydalanishga topshirilishi maktab o‘quvchilarining bo‘sh vaqtlarini mazmunli o‘tkazishi, sport bilan muntazam shug‘ullanishi, sog‘lom turmush tarziga rioya qilishi hamda ular o‘rtasida sportga bo‘lgan qiziqishni yanada oshirishga xizmat qiladi.
Shuningdek, qurilish ishlarini sifatli va belgilangan muddatlarda yakunlash, o‘quvchilar uchun xavfsiz hamda qulay sharoitlarni ta’minlash yuzasidan tegishli tavsiyalar berildi.
Sog‘lom avlod — yurt kelajagi!
Yoshlarni sportga keng jalb etish va ular uchun munosib sharoitlar yaratish borasidagi ishlar izchil davom ettirilmoqda.