YOSHLAR BILAN OCHIQ MULOQOT

Xalq deputatlari Andijon shahar Kengashi raisi Ziyayev Raxim Sabirovich hamda Yoshlar ishlari agentligi Andijon shahar bo‘limi boshlig‘i Mavlonbek Azimov yoshlar yetakchisi vazifasida faoliyat yuritish istagida bo‘lgan yoshlar bilan suhbatlashdi.

Suhbat davomida nomzodlarning bilim va ko‘nikmalari, tashabbuskorligi, yoshlar bilan ishlash salohiyati hamda mahallalarda yoshlar bilan samarali ishlash borasidagi qarashlari muhokama qilindi.

Shuningdek, yoshlar yetakchisining mahalladagi o‘rni, yoshlarning muammolarini o‘rganish, ularning bo‘sh vaqtini mazmunli tashkil etish, bandligini ta’minlash va ijtimoiy faolligini oshirish borasidagi vazifalar yuzasidan fikr almashildi.

Suhbat yakunida yoshlar yetakchisi lavozimiga munosib nomzodlarni saralash hamda mahallalarda yoshlar bilan ishlash samaradorligini oshirish bo‘yicha tegishli tavsiyalar berildi.