2-sentabr - “Bilimlar kuni” munosabati bilan Marg‘ilon shahridagi 26-sonli umumiy o‘rta ta’lim maktabida yangi o‘quv yilining boshlanishiga bag‘ishlangan tantanali tadbir bo‘lib o‘tdi.

Unda Xalq deputatlari Marg‘ilon shahar Kengashiga 9-Vatan saylov okrugidan saylangan deputat Mirzayev M.X. ham ishtirok etdi.
Tadbirda deputat yosh avlodning ta’lim-tarbiyasi, ularning zamonaviy bilim va ko‘nikmalarni egallashi, kelajakda munosib insonlar bo‘lib voyaga yetishi muhim ekanini alohida ta’kidladi.

Deputat, Prezidentimizning 2-sentabr — “Bilimlar kuni” munosabati bilan o‘quvchi-yoshlarga, ustozlarga hamda ota-onalarga yo‘llagan tabrigini yig‘ilganlarga o‘qib eshittirdi.

Shuningdek, deputat maktab jamoasi, ustoz va murabbiylar, o‘quvchilar hamda ota-onalarni yangi o‘quv yili bilan samimiy muborakbod etdi. O‘quvchilarga bilim olishda, yangi marralarni zabt etishda muvaffaqiyat, ustozlarga esa sharafli va mas’uliyatli faoliyatlarida kuch-g‘ayrat tiladi.