Birdamlik mahallasida yo‘l muammosi — deputat nazoratida

Xalq deputatlari Bekobod tumani Kengashiga O‘zbekiston “Milliy tiklanish” demokratik partiyasidan saylangan deputat D.Saidova tomonidan Birdamlik mahallasiga olib kiruvchi 3 km uzunlikdagi mahalliy avtomobil yo‘lining bugungi holati o‘rganildi.

Yo‘l qoplamasining yaroqsizligi sabab yog‘ingarchilik mavsumida loygarchilik, yoz oylarida esa kuchli chang yuzaga kelib, aholi va transport harakatiga noqulaylik tug‘dirmoqda.

Mazkur masala yuzasidan “Bekobod tuman yo‘llardan foydalanish korxonasi” davlat muassasasiga deputatlik so‘rovi yuborildi.

Obod yo‘l — xavfsiz harakat, qulay hayot! 🚗