Xalıq deputatları Qaraózek rayonlıq Keńesi 11-Qarabuǵa saylaw okrugi deputatı S.Xalmuratov, 10-A.Dosnazarov saylaw okrugi deputatı S.Íqlasov hám sekretariat bas qánigesi M.Atajanovlar "A.Dosnazarov" awıl puqaralar jıyını wákilleri menen ushırasıw ótkerdi.

Xalıq deputatları Qaraózek rayonlıq Keńesi 11-Qarabuǵa saylaw okrugi deputatı S.Xalmuratov, 10-A.Dosnazarov saylaw okrugi deputatı S.Íqlasov hám sekretariat bas qánigesi M.Atajanovlar "A.Dosnazarov" awıl puqaralar jıyını wákilleri menen ushırasıw ótkerdi. Ushırasıwda deputatlar menen máhálle wákilleriniń birge islesiwin elede janlandırıw hám "Bir Watan, bir xalıq bolıp, jańa turmıs hám keleshek quramız!" bas ideyası astında bayramdı joqarı kóterińki ruwxta ótkeriw hám aymaqta kóshe átirapların abadanlastırıw baǵdarında toqtalıp ótti. Bunnan soń puqaralardıń pikir hám usınısları tıńlanılıp, deputatlıq qadaǵalawǵa alındı. Bunnan soń Qaraqalpaqstan Respublikası aymaǵında sociallıq-ekonomikalıq turmıs sharayatı awır bolǵan puqaralar jıyınlarında qurılıs hám abadanlastırıw jumısların ámelge asırıw maqsetinde mánzilli dizim qáliplestirilgen edi. Baǵdarlama sheńberinde A.Dosnazarov awıl puqaralar jıyını infrastrukturasın jaqsılaw, xalıq ushın qolaylı sharayatlar jaratıw jáne abadanlastırıw jumısların jedellestiriw maqsetinde islenip atırılǵan qurlıs jumıslar menen tanıstı. Sonday-aq deputatlar abadanlastırıw jumıslarına belsene qatnasıw hám kóshe boyların tazalaw, terek nállerin tártipke keltiriw baǵdarında úgit-násiyat jumısların alıp bardı. Bunnan soń aymaqtaǵı hákim járdemshi tárepinen puqaralardıń bántligin támiyinlew hám jeńilletilgen kreditler ajıratıw, isbilermenlerdiń xalıqqa xızmet kórsetiw orınların ashıw baǵdarında ámelge asırılıp atırılǵan jumıslar barısı menen tanıstı.
Isbilermenler menen sáwbetlesilip, mashqalaları tıńlandı.