Xalq deputatlari Paxtakor tumani Kengashi deputati X.Abduvohidov hamda tuman prokurori X.Gaziyev boshchiligida xorijda mehnat qilayotgan va ta'lim olayotgan yoshlar bilan onlayn muloqot o'tkazildi.

Videokonferensiya shaklida o'tgan samimiy suhbatda migratsiyada bo'lib turgan 30 nafarga yaqin yoshlar ishtirok etishdi. Muloqot davomida yoshlarning yashash va ish joylaridagi shart-sharoitlari, duch kelayotgan masalalari atroflicha o'rganilib, ularning taklif va tashabbuslari tinglandi.

Shuningdek, bugungi kunda Paxtakor tumanida yosh tadbirkorlar va mutassislar uchun yaratilayotgan keng imkoniyatlar, yangi ish o'rinlari ijtimoiy va iqtisodiy sohalardagi o'zgarishlar haqida batafsil ma'lumot berildi.

Yurtimizda yaratilayotgan sharoitlardan unumli foydalangan holda yoshlarni o'z oilalari bag'riga — Vatanga qaytib, munosib daromad topishlari uchun barcha zarur ko'mak ko'rsatilishi ta'kidlandi.