SAYLAWSHILAR MENEN USHIRASIW ÓTKERILDI

Xalıq deputatları Bozataw rayonlıq Keńesi sekretariatınıń baslıǵı A.Ibragimov hám 11-sanlı "Ustalar elatı" saylaw okruginen (ÓzLiDeP) saylanǵan deputat B.Nurlımuratova tárepinen Erkindárya APJ "Kókshiel" elatında saylawshılar menen ushırasıw ótkerildi.

Ushırasıw dawamında deputatlar tárepinen ótken dáwirde ámelge asırılǵan jumıslar, puqaralardıń múrájatların úyreniw hám olardıń sheshimin tabıw boyınsha alıp barılǵan jumıslar, sonday-aq, xalıqtıń sociallıq-ekonomikalıq rawajlanıwı baǵdarında ámelge asırılıp atırǵan jumıslar haqqında keńnen maǵlıwmat berildi.

Ashıq sáwbet túrinde ótken ushırasıwda saylawshılar ózlerin qızıqtırǵan sorawlardı ortaǵa taslap, olardıń sheshimi boyınsha usınısların bildirdi. Xalıqtıń turmısın jaqsılaw, aymaqtaǵı bar bolǵan mashqalalardı sheshiw hám infrastrukturanı jaqsılawǵa baylanıslı bir qatar múrájatlar tıńlandı.
Ushırasıw dawamında xalıq tárepinen kóterilgen jańa múrájatlar deputatlar tárepinen tiyisli tártipte qabıl etilip, mashqalalardı orınlarǵa shıǵıp úyreniw hám sheshimin tabıw boyınsha ámeliy jumıslar alıp barılatuǵını atap ótildi.

Ushırasıw saylawshılar menen turaqlı baylanıstı bekkemlew, olardıń múrájatların tıńlaw hám xalıqtıń kótergen máselelerin ámeliy tárizde sheshiwge baǵdarlanǵan áhmiyetli sáwbet bolıp ótti.