Maktabgacha ta’lim tashkilotida oziq-ovqat sifati va sanitariya holati o‘rganildi

Xalq deputatlari Bag‘dod tumani Kengashining “25-Xitoy” saylov okrugi deputati G‘.Ermatov hamda Kengash Kotibiyati bosh mutaxassisi U.Raximjonov tomonidan “Xitoy” mahalla fuqarolar yig‘ini hududida joylashgan 31-davlat maktabgacha ta’lim tashkilotida o‘rganish ishlari olib borildi.

O‘rganish jarayonida tarbiyalanuvchilar uchun tashkil etilgan ovqatlanish sharoitlari, tayyorlanayotgan taomlarning sifati va xavfsizligi hamda oziq-ovqat mahsulotlarining belgilangan tartibda qabul qilinishi va saqlanish holatiga e’tibor qaratildi.

Shuningdek, kunlik taomnomaning belgilangan me’yorlarga muvofiqligi, oshxona va oziq-ovqat mahsulotlari saqlanadigan xonalarning sanitariya-gigiyena holati, mahsulotlarning yaroqlilik muddati va saqlash sharoitlari hamda mas’ul xodimlarning amaldagi talablar asosida faoliyat yuritishi ko‘zdan kechirildi.

O‘rganish yakunida aniqlangan holatlar yuzasidan mas’ullarga, mavjud kamchiliklarni bartaraf etish, oziq-ovqat mahsulotlarining sifati va xavfsizligini ta’minlash, shuningdek, tarbiyalanuvchilar uchun sanitariya talablariga javob beradigan sog‘lom va xavfsiz ovqatlanish sharoitlarini yaratish bo‘yicha tegishli tavsiya va ko‘rsatmalar berildi.