#deputat_so'rovi

Xalq deputatlari Jondor tumani Kengashi deputati S. Qaxxorov tomonidan Oytug‘di va Obod mahallalari hududlarini o‘zaro bog‘lovchi ko‘priklarning ta’mirtalab holati o‘rganildi.
🌏O‘rganish jarayonida mazkur ko‘priklarning texnik holati aholi, ayniqsa, piyodalar va transport vositalari harakati uchun qator noqulayliklar keltirib chiqarayotgani qayd etildi. Ko‘priklarni ta’mirlash mahallalar o‘rtasidagi qatnovni yaxshilash, aholi xavfsizligini ta’minlash hamda hudud infratuzilmasini yanada yaxshilashda muhim ahamiyat kasb etadi.
🌏Shu munosabat bilan deputat S. Qaxxorov tuman hokimi J. Xudoyev nomiga deputatlik so‘rovi yuborib, Oytug‘di va Obod mahallalarini bog‘lovchi ko‘priklarni ta’mirlash dasturiga kiritish va ularda zarur ta’mirlash ishlarini amalga oshirish masalasini ko‘rib chiqishni so‘radi.
🌏Deputatlik so‘rovi orqali aholi uchun muhim bo‘lgan mazkur masalaning ijobiy hal etilishi, mahallalar o‘rtasida qulay va xavfsiz harakatlanish sharoitlarini yaratishga xizmat qilishi ko‘zda tutilmoqda.