Malikaobod mahallasida o‘rganish ishlari olib borildi

Xalq deputatlari Qiziltepa tumani Kengashining 1-Malikaobod saylov okrugidan saylangan deputati G‘. Safarov xizmat safarida ekanligi sababli, tuman Kengashi kotibiyati bosh mutaxassisi D. Qanoatov tomonidan Malikaobod mahalla raisining faoliyati o‘rganildi.

O‘rganish davomida mahallaning Yangiobod qishlog‘ida simyog‘ochlarni yangisiga almashtirish bo‘yicha fuqarolardan murojaatlar kelib tushgani ma’lum bo‘ldi. Mazkur masala yuzasidan deputat so‘rovini tayyorlash hamda mas’ul tashkilotlarga yo‘naltirish tartibi bo‘yicha tegishli tushuntirishlar berildi.

Shuningdek, raqamli platforma orqali mahallaga murojaatlar kelib tushmaganligi qayd etildi.