Maktabgacha ta’lim tashkilotida aniqlangan muammolar deputatlar ko‘magida ijobiy hal etildi.

🔹 Joriy yilning 15-iyul kuni Xalq deputatlari Bag‘dod tumani Kengashi deputatlari D.Xamraqulov, A.Sirojiddinov hamda Sanitariya-epidemiologik qo‘mita Bag‘dod tuman bo‘limi boshlig‘i Sh.Erkinjonov bilan hamkorlikda “Chekmirzaobod” mahalla fuqarolar yig‘inida joylashgan 52-sonli davlat maktabgacha ta’lim tashkilotida o‘rganish ishlari olib borilgan edi.

🔹 O‘rganish davomida ta’lim tashkiloti binosidagi foydalanilmayotgan xonalardan samarali foydalanib, qo‘shimcha guruh tashkil etish orqali 30 nafar bolani maktabgacha ta’lim bilan qo‘shimcha qamrab olish imkoniyati mavjudligi aniqlangan.

✅ Mazkur masala deputatlar ko‘magida tegishli tashkilotlar bilan hamkorlikda ijobiy hal etilib, zarur ruxsatnomalar olindi. Natijada qo‘shimcha guruh tashkil etilib, yana 30 nafar bolani maktabgacha ta’lim bilan qamrab olish imkoniyati yaratildi.

✅ Shuningdek, hudud deputati A.Sirojiddinovning bevosita ko‘magi bilan tarbiyalanuvchilar uchun zamonaviy hojatxona qurib bitkazildi hamda tashkilot yotoqxona jihozlari bilan ta’minlandi.