Deputatlar "Ashıq byudjet" portalına kelip túsken usınıslardı kórip shıqtı

Deputatlar "Ashıq byudjet" portalına kelip túsken usınıslardı kórip shıqtı

✅ Xalıq deputatları Shımbay rayonlıq Keńesi deputatları tárepinen 2026-jıldıń 2-máwsiminde "Ashıq byudjet" málimleme portalı arqalı puqaralar tárepinen kirgizilgen jámi 73 usınıs kórip shıǵıldı.

Úyreniw procesinde xalıq tárepinen alǵa qoyılǵan usınıslardıń mazmun-mánisi, olarda kóterilgen sociallıq hám infrastrukturaǵa baylanıslı máseleler tallandı.

Sonday-aq, usınıslardıń xalıq ushın áhmiyeti, ámelge asırıw imkaniyatları hám belgilengen talaplarǵa muwapıqlıǵına ayrıqsha itibar qaratıldı.

Anıqlanǵan máseleler boyınsha tiyisli ilajlardı belgilew hám xalıqtıń máplerin esapqa alǵan halda jumıslardı shólkemlestiriw zárúrligi atap ótildi.

Xalıq deputatları Shımbay rayonlıq Keńesi