Kotib

Toshkent shahri Mirzo Ulug‘bek tumani “Avayxon” maxallasi Qorasuv dahasida joylashgan 338-umumta’lim davlat maktabida o‘quvchilar soni ko‘pligi sababli qo‘shimcha o‘quv binosining qurilishi bo‘yicha ishlar amalga oshirilmoqda.

Hozirda bu maktabda yana 900 ta o‘ringa mo‘ljallangan qo‘shimcha maktab binosini qurilish ishlari tugallanish jarayonida. Yangi bino qurilishi natijasida bu muammolar hal etilib, o‘quvchilar yangi maktab binosida o‘qishni davom ettiradilar.

Xalq deputatlari Mirzo Ulug‘bek tumani Kengashining 18-“Avayxon” okrugi deputati, O‘zLiDeP a’zosi Ruslan Yerniyazov qurilish jarayonlarida bevosita ishtirok etib, amalga oshirilayotgan ishlarni nazorat qilmoqda.

Shuningdek, deputat doimiy ravishda qurilish mutasaddilari bilan o‘quvchilar uchun yaratilayotgan sharoitlar va ishlarni belgilangan muddatlarda yakunlanishi yuzasidan tegishli ko‘rsatmalar berdi.