AHOLI BILAN BEVOSITA MULOQOT

 Xalq deputatlari Ulug‘nor tumani Kengashi deputati G.Soliyeva Fazogir mahallasi Shinam va Navbahor ko‘chalaridagi aholi xonadonlarida uyma-uy yurib, o‘rganish ishlarini olib bordi. Tashrif davomida deputat xonadonlarga kirib, fuqarolar bilan ochiq va samimiy muloqot qildi. Suhbatlar jarayonida aholining kundalik turmushi, mavjud muammolari, ijtimoiy ehtiyojlari hamda ularni
qiynayotgan masalalar tinglandi. Fuqarolar tomonidan bildirilgan murojaat va takliflar deputat tomonidan qayd etilib, ularni hal etish yuzasidan tegishli tashkilotlar bilan hamkorlikda ish olib borish belgilandi. Aholi bilan bevosita muloqot qilish, ularning muammolarini joyida o‘rganish va amaliy yechim topish deputatlik faoliyatining muhim yo‘nalishlaridan biri hisoblanadi.