Deputat tomonidan manfaatlar to‘qnashuvi tushuntirildi

Xalq deputatlari Oltiariq tuman Kengashi deputati O.Abdurahimov tomonidan fuqarolar bilan o‘tkazilgan uchrashuv davomida
“Manfaatlar to‘qnashuvi to‘g‘risida”gi O‘zbekiston Respublikasi Qonuni mazmun-mohiyati yuzasidan tushuntirish ishlari olib borildi. Tushuntirish davomida O‘RQ-931-son Qonun 2024-yil 5-iyunda qabul qilingani, uning asosiy maqsadi manfaatlar to‘qnashuvining oldini olish, davlat organlari faoliyatida ochiqlik va shaffoflikni ta’minlash, halollik va xolislik tamoyillarini
mustahkamlashdan iborat ekani haqida ma’lumot berildi. Shuningdek, manfaatlar to‘qnashuvi tushunchasi, uning turlari, manfaatlar to‘qnashuvini aniqlash va oldini olish tartibi, shuningdek, manfaatlar to‘qnashuvi yuzaga kelgan holatlarda belgilangan tartibda choralar ko‘rish masalalariga alohida to‘xtalib o‘tildi.