Ko‘p qavatli uylar yerto'lasidagi muammolar joyida o‘rganildi

Xalq deputatlari viloyat Kengashi kotibiyati bosh yuriskonsulti S.Mamatov, Xalq deputatlari tumani Kengashi deputati A.Isakulov tomonidan Samarqand mahallasidagi 48- va 49-sonli ko‘p qavatli uylar yerto'lasidagi mavjud muammolar joyiga chiqqan holda o‘rganildi.

O‘rganish davomida ko‘p qavatli uylar yerto'lasining sanitariya va texnik holati, muhandislik-kommunikatsiya tarmoqlarining ahvoli, mavjud nosozliklar hamda aholi uchun noqulaylik tug‘dirayotgan muammolarga alohida e’tibor qaratildi.

Shuningdek, aniqlangan muammolarning kelib chiqish sabablari o‘rganilib, ularni bartaraf etish bo‘yicha amalga oshirilishi lozim bo‘lgan ishlar muhokama qilindi.

Mazkur masala deputat va mas’ul mutaxassislar tomonidan nazoratga olinib, muammolarning amaliy yechimi bo‘yicha ishlar davom ettiriladi.