SESSIYA OLDIDAN MASALA JOYIGA CHIQIB O‘RGANILDI

Xalq deputatlari Xorazm viloyati Kengashi kotibiyati mudiri U. Kuryazov hamda Kengash kotibiyatining bosh mutaxassisi U. Egamov tomonidan navbatdagi sessiyasi kun tartibiga kiritilgan masalalarni puxta tayyorlash maqsadida O‘zbekiston Respublikasining 2022-yil 29-iyundagi O‘RQ–781-son “Yer uchastkalarini kompensatsiya evaziga jamoat ehtiyojlari uchun olib qo‘yish tartib-taomillari to‘g‘risida”gi Qonuniga asosan o‘rganish ishlari olib borildi.

🔍 O‘rganish davomida O‘zbekiston Respublikasi Vazirlar Mahkamasining 2026-yil 17-fevraldagi maxsus qarori asosida amalga oshirilayotgan “Urganch – Xiva” pullik avtomobil yo‘li hamda elektrlashtirilgan temir yo‘l liniyasi qurilishi doirasida buzilishi belgilangan turar va noturar joy obyektlari holati joyiga chiqib ko‘zdan kechirildi.

📌 Jumladan, Urganch shahrida 1 ta, Urganch tumanida 3 ta, jami 4 ta turar (noturar) joy obyekti bo‘yicha olib borilayotgan ishlar, mulkdorlar bilan tuzilayotgan kelishuv shartnomalari hamda kompensatsiya masalalarining amaldagi qonunchilik talablariga muvofiqligi o‘rganildi.

🤝 O‘rganish yakunida fuqarolar va yuridik shaxslarning mulkiy huquqlarini ta’minlash, kompensatsiya to‘lovlarini qonuniy va adolatli tashkil etish holatlariga aloxida etibor qaratildi.

✅ Mazkur o‘rganish natijalari xalq deputatlari Xorazm viloyati Kengashining navbatdagi sessiyasida ko‘rib chiqiladigan masalalarni har tomonlama va sifatli tayyorlashga xizmat qiladi.