Kotib

Mirzo Ulug‘bek tumanida “Mahallada obodlik va mehr-saxovat oyligi” hamda “Dolzarb 40 kunlik” tadbirlari doirasida keng ko‘lamli obodonlashtirish ishlari izchil davom etmoqda.

Xalq deputatlari Mirzo Ulug‘bek tumani Kengashi deputati, O‘zbekiston Ekologik partiyasi a’zosi Ravshan Umarov okrugidagi “Mirzakalon Ismoiliy” MFY “mahalla yettiligi” bilan uchrashib, hududni obodonlashtirish, ko‘chalarda tozalikni ta’minlash, aholi o‘rtasida targ‘ibot ishlarini kuchaytirish va mahallalarning ko‘rkam qiyofasini yanada yaxshilash bo‘yicha rejalashtirilgan ishlarni muhokama qildi.

Shuningdek, deputat tomonidan joylardagi muammolar o‘rganilib, mahalla hududida tozalik va ozodalikni ta’minlash, obodonlashtirish va ko‘kalamzorlashtirish ishlarini yanada jadallashtirish yuzasidan ijro hokimiyati va mas’ul idoralar oldiga aniq vazifalar qo‘yildi.