YOSHLAR TARBIYASI VA EKOLOGIK MADANIYATNI YUKSALTIRISH YO‘LIDAGI MUHIM TASHABBUS

Toshkent viloyati Bo‘stonliq tumanida joylashgan “GEOLOG” bolalar sog‘lomlashtirish oromgohida O‘zbekiston Respublikasi Mustaqilligining 35 yilligi hamda O‘zbekiston Ekologik harakatining 18 yilligiga bag‘ishlangan bayram tadbiri bo‘lib o‘tdi.

🌳Tadbir O‘zbekiston Ekologik harakati, O‘zbekiston Ekologik partiyasining Toshkent shahar va Toshkent viloyati kengashlari hamda O‘zbekiston Ekstremal va tog‘ turizmi federatsiyasi hamkorligida tashkil etildi.

👉Mazkur tadbirda Xalq deputatlari Yunusobod tumani Kengashi deputati, O‘zbekiston Ekologik partiyasi a’zosi Natalya Viktorovna Voropayeva ham faol ishtirok etdi.

✅Tadbir davomida yosh avlod qalbida Vatanga muhabbat, ekologik madaniyat va tabiatga ehtiyotkorona munosabatni shakllantirish, sog‘lom turmush tarzini targ‘ib etish hamda faol fuqarolik pozitsiyasini mustahkamlashga qaratilgan ma’naviy-ma’rifiy va madaniy dasturlar tashkil etildi.

🇺🇿Xalq deputatlari Yunusobod tumani Kengashi yoshlarni har tomonlama qo‘llab-quvvatlash, ularning ekologik ongini yuksaltirish hamda vatanparvarlik ruhida tarbiyalashga xizmat qiluvchi bunday tashabbuslarni doimo qo‘llab-quvvatlaydi.