Yoshlarning bo‘sh vaqtini mazmunli tashkil etishga qaratilgan tadbir o‘tkazildi

Xalq deputatlari Zomin tuman Kengashi deputatlari tuman Yoshlar markazida Kengash huzuridagi Yoshlar maslahat guruhi tomonidan yoshlarning bo‘sh vaqtini mazmunli tashkil etish maqsadida tashkil etilgan tadbirda ishtirok etdilar.

Tadbir davomida yoshlar uchun yaratilgan imkoniyatlar, ularning qiziqishlari va iste’dodlarini rivojlantirishga qaratilgan loyihalar hamda mazmunli hordiq chiqarish uchun tashkil etilgan shart-sharoitlar bilan tanishildi.

Shuningdek, yoshlar bilan ochiq muloqot o‘tkazilib, ularning taklif va tashabbuslari tinglandi. Deputatlar yoshlarning intellektual, ijodiy va jismoniy salohiyatini rivojlantirish, bo‘sh vaqtini samarali tashkil etish borasida amalga oshirilayotgan ishlarni qo‘llab-quvvatlash muhim ekanini ta’kidladilar.