Mingchinor mahallasida piyodalar yo‘laklari va bolalar maydonchasi qurilishi boshlandi

Xalq deputatlari Paxtakor tumani Kengashi deputati D.Ergasheva tomonidan Mingchinor mahallasidagi ko‘p qavatli uylar atrofi infratuzilmasini yaxshilash borasida amalga oshirilayotgan qurilish ishlari joyiga chiqib o‘rganildi.

Ayni paytda hududda piyodalar yo‘laklari hamda bolalar va o‘smirlar uchun zamonaviy o‘yin maydonchalarini barpo etish ishlari boshlab yuborilgan.

Mazkur loyiha aholi, ayniqsa, yoshlarning bo‘sh vaqtini mazmunli tashkil etish, qulay va xavfsiz muhit yaratish hamda mahalla infratuzilmasini yanada rivojlantirishga xizmat qiladi.

Qurilish ishlari belgilangan reja asosida davom ettirilmoqda.