«Gezektegi turaqlı komissiya májilisi» bolıp ótti.

Deputatlar xanasında Xalıq deputatları Taxtakópir rayonlıq Keńesiniń Jergilikli byudjet, ekonomikalıq reformalardı ámelge asırıw hám isbilermenlikti rawajlandırıw máseleleri boyınsha turaqlı komissiyasınıń gezektegi májilisi bolıp ótti.
Májilisti turaqlı komissiya baslıǵı orınbasarı E.Begmanov basqarıp bardı.
Kún tártibindegi birinshi másele boyınsha Taxtakópir rayonı ekonomika hám qarjı bólimi baslıģınıń birinshi orınbasarı A.Ospanov sózge shıģıp, Taxtakópir rayonı jergilikli byudjetiniń 2026-jıldıń
I-shereginde belgilengen dáramatlar rejesiniń artıq orınlanģan bólegi esabınan anıqlanģan qarjılar hám olardıń jumsalıw jónelisleri haqqındaģı esabatın berdi, turaqlı komissiya tárepinen rayonlıq Keńestiń gezektegi 22-sessiyasına usınıw haqqında sheshim qabıl etildi.