Кадастр палатасында коррупцияның алдын алыў жағдайын үйренди

Кадастр палатасында коррупцияның алдын алыў жағдайын үйренди

📄 Өзбекстан Республикасынын 2017-жыл 3-январ күнги «Коррупцияға қарсы гүресиў ҳаққында»ғы ЎРН-419-санлы нызамы тийкарында Халық депутатлары Шымбай районлық Кеңеси секретариат баслығы М.Зарикеев тәрепинен Мәмлекетлик Кадастрлар палатасы Шымбай районы филиалыда коррупцияның алдын алыў, ашық-айдынлықты тәмийинлеў бағдарында әмелге асырылып атырған жумыслар үйренилди.

Үйрениў даўамында коррупцияға қарсы ишки қадағалаў системасы, пуқараларға мәмлекетлик хызметлерди көрсетиў процесслериниң ашық-айдынлығы, мүрәжатлар менен ислесиў, мәплер соқлығысыўының алдын алыў ҳәм коррупциялық қәўип-қәтерлерди азайтыў бойынша әмелге асырылып атырған илажлар көрип шығылды.

Сондай-ақ, тараўда ушырасыўы мүмкин болған коррупциялық факторлар бойынша жуўапкер хызметкерлер менен додалаўлар өткерилип, бар кемшиликлерди сапластырыў, хызметлердиң сапасын ҳәм ашық-айдынлығын буннан былай да арттырыў бойынша тийисли усыныслар берилди.

Үйрениў жуўмақлары бойынша анықланған мәселелер депутатлық қадағалаўға алынып, нызамшылық талапларына муўапық олардың орынланыўын тәмийинлеў бойынша тийисли илажлар белгиленди.